Azərbaycan musiqi sənayesinə öz damğasını vurmağa davam edən Mari yenidən səhnədədir. Onun yeni mahnısı “Told You”, özünə inam və gücün səsi olaraq dinləyicilərə təqdim edilib. Bu əsər Marinin təkcə vokal gücünü deyil, həm də özünəməxsus stilini bir daha nümayiş etdirir. Qısa müddətdə minlərlə dinlənmə qazanan mahnı, gənc ifaçının dinləyici kütləsini genişləndirdiyini bir daha sübut edir.
Mari bu mahnı ilə həm öz mesajını, həm də fərqiliyini vurğulayır: "Özünə inan və heç vaxt geri çəkilmə."
Musiqisindəki enerji və səmimiyyət onu digər ifaçılardan fərqləndirən əsas xüsusiyyətlərdir.
2024-cü il Avroviziya Mahnı Müsabiqəsinin Azərbaycan daxili seçimlərində iştirak edən Mari, ilk 16-lığa daxil olmağı bacarmışdı. Həmçinin, 2023-cü ilin Avroviziya qalibi olan “Tattoo” mahnısını Azərbaycan dilində səsləndirərək böyük maraq doğurdu. Onun bu cəsarətli addımı yaradıcılığını yeni zirvələrə daşımaq əzminin sübutudur.
Mari, öz bənzərsizliyi və enerjisi ilə Azərbaycan musiqisində yeni bir dalğa yaratmağa hazırdır. Yaradıcılığına baxaraq bir şey demək olar: onun ulduzu hələ yeni parlayır!
Qeyd edək ki, bundan əvvəl Mari dinləyicilərini “So High” və “It’s Called Love” kimi uğurlu mahnıları ilə sevindirmişdi. Bu mahnılar müsbət rəylər toplayaraq Marini daha geniş auditoriyaya tanıdıb.