Sonuncu dəfə "Oppenheimer" filmi ilə izləyicilərin qəlbinə yol tapan məşhur rejissor Kristofer Nolan bu dəfə yunan poeziyasına müraciət edəcək.
"Fiftysix Magazine" xəbər verir ki, "Universal Studios" ingilis kinorejissorun yeni filminin eramızdan əvvəl 8-ci əsrdə Homerin bəstələdiyi epik poemanın uyğunlaşdırılması kimi təqdim edilən "Odisseya" olduğunu açıqlayıb. Məlumata əsasən, "Odisseya" tam yeni İMAX film texnologiyasından istifadə etməklə film sənayesinə təqdim ediləcək. 2026-cı ilin iyul ayında kinoteatrlarda nümayişi planlaşdırılan film üçün rejissor Tom Holland, Zendaya, Robert Pattinson və digər məşhur aktyorlarla iş birliyi edəcək.